தமிழ்
இந்திய நிகழ்வுகள்
மகாராஷ்டிரா மாநிலத்தின் நாசிக் மாவட்டத்திலுள்ள பீரங்கிப்படை மையத்தில், அமெரிக்காவின் தயாரிப்பான M777 155mm/39 Calibre Ultra Light Howitzer மற்றும் தென் கொரிய தயாரிப்பான K9 VAJRA-T 155mm/53 ஆகிய பீரங்கிகள் இந்திய இராணுவத்தில் புதிதாக சேர்க்கப்பட்டுள்ளன.
விமானப் பொறியியல் மற்றும் தளவாடங்களின் வளர்ந்து வரும் போக்கு என்ற கருத்தின் மீதான இரண்டு நாள் கருத்தரங்கு (AVIAMAT- 2018) புது டெல்லியில் நடைபெற்றது.இது இந்திய விமானப் படை மூலமாக ஏற்பாடு செய்யப்பட்டது.
2019 பொதுத் தேர்தலுக்காக பொது விவாதங்கள் மற்றும் குடிமை நிர்வாகப் பணிகளில், பங்களிப்புகளை ஊக்குவித்து இளைஞர்களை உற்சாகப்படுத்தும் வகையில் #Power of 18 என்ற பிரச்சாரத்தை டிவிட்டர் இந்தியா அறிமுகப்படுத்தியுள்ளது.
ஆண்டிற்கு இரண்டு முறை நடைபெறும் கடற்படைத் தளபதிகள் மாநாட்டின் 2018ம் ஆண்டிற்கான இரண்டாம் பதிப்பு புதுடெல்லியில் நடைபெற்றது.இம்மாநாட்டின் கருத்துரு ‘உகப்பாக்கம் மற்றும் வளர்ந்து வரும் தொழில் நுட்பங்கள்’ என்பதாகும்.இந்த மாநாடானது பிரதமரின் பிராந்தியத்தில் அனைவருக்கும் பாதுகாப்பு மற்றும் வளர்ச்சி (SAGAR-Security and Growth for All in the Region) என்ற முன்முயற்சியின் ஒரு பகுதியாகும்.
டெல்லி மாநில அரசானது, உருது கலாச்சாரம் மற்றும் அதன் பாரம்பரியத்தை ஊக்குவிப்பதற்காகவும், பாதுகாப்பதற்காகவும் Jashn-e-Virasat-e-Urdu என்ற விழாவை கன்னாட் பிளேசில் உள்ள சென்டல் பூங்காவில் கொண்டாடி வருகிறது.ஆறு நாட்கள் நடைபெறும் இந்த விழாவானது இன்று (15.11.2018) நிறைவடைகிறது.இந்த விழாவில் உருது பாரம்பரிய நிகழ்வுகள் இடம்பெற்றது குறிப்பிடத்தக்கது.
உலக நிகழ்வுகள்
33வது ASEAN உச்சிமாநாடு சிங்கப்பூரில் நவம்பர் 11 அன்று தொடங்கியது. இதில் ASEAN அமைப்பின் 10 உறுப்பு நாடுகளின் தலைவர்கள் கூடி பொருளாதாரம், பாதுகாப்பு, கலாச்சார ஒத்துழைப்பு குறித்து விவாதித்தனர்.33வது ASEAN மாநாட்டின் கருப்பொருள் – Resilient and Innovative ASEAN.
விளையாட்டு நிகழ்வுகள்
உலக மல்யுத்த கூட்டமைப்பு (UWW) உலக ஆடவர் மல்யுத்த தரவரிசைப் பட்டியலை வெளியிட்டது. இதில் ஆடவர் 65 கி.கி பிரிவில், இந்திய மல்யுத்த வீரர் பஜ்ரங் புனியா முதலிடத்தை பிடித்துள்ளார். இவர் நடப்பு சீசனில் காமன்வெல்த், ஆசிய போட்டியில் தங்கம், புடாபெஸ்டில் நடந்த உலக சாம்பியன் போட்டியில் வெள்ளி உள்பட மொத்தம் 5 பதக்கங்களை வென்றுள்ளார்.UWW என்பது தொழில்முறை மல்யுத்த விளையாட்டிற்கான ஒரு சர்வதேச நிர்வாக அமைப்பாகும்.
அறிவியல் மற்றும் தொழில்நுட்பம்
IIT-ரூர்க்கியின் அறிவியலாளர்கள் புற்றுநோய் செல்களை ஒரே நேரத்தில் கண்டறியவும் அழிக்கவும் கூடிய ஒளிரும் கார்பன் பொருளை உருவாக்கியுள்ளனர்.இந்த நானோ அளவிலான (10–9 மீட்டர்) கார்பன் பொருட்கள் புற்றுநோய் செல்களை கண்டறியும் தன்மை மற்றும் சிகிச்சையளிக்கும் தன்மை ஆகியவற்றுக்கான முகவர்களாக செயல்படும்.இவை ரோஸ் பெர்விங்கிள் என்ற தாவர இலையிலிருந்து பிரித்தெடுக்கப்பட்டது.
விருதுகள்
பிரான்ஸின் உயரிய குடிமகன்களுக்கான விருதான ‘நைட் ஆப் தி லீஜியன் ஆப் ஹானர்’ என்ற விருது ஜவஹர் லால் சரீனுக்கு வழங்கப்பட்டுள்ளது.இவ்விருது இந்தியாவிற்கான பிரெஞ்சுத் தூதரான அலெக்ஸாந்தர் லெக்லர் என்பவரால் வழங்கப்பட்டது.இந்த விருதானது, இந்தியா மற்றும் பிரான்ஸ் ஆகிய நாடுகளுக்கிடையேயான கலாச்சார ஒத்துழைப்பை மேம்படுத்துவதிலும் பிரெஞ்சு மொழியை ஊக்குவித்தலிலும் முக்கிய பங்காற்றியதற்காக வழங்கப்பட்டுள்ளது.
முக்கிய தினங்கள்
உலக நீரிழிவு தினம் – நவம்பர் 14உலக நீரிழிவு தினமானது 2006ல் ஐக்கிய நாடுகளின் அதிகாரப்பூர்வ நாளாக மாற்றப்பட்டது1992ம் ஆண்டில் சார்லஸ் பெஸ்ட் உடன் இணைந்து இன்சுலினைக் கண்டறிந்த ஃபரெடெரிக் பாண்டிங்கின் பிறந்த நாளை நினைவு கூறுவதற்காக, நவம்பர் 14 அன்று இந்த தினம் அனுசரிக்கப்படுகிறது.2018 மற்றும் 2019ம் ஆண்டிற்கான கருத்துரு – குடும்பம் மற்றும் நீரிழிவு என்பதாகும்.
Read More : http://weshineacademy.com/tnps...